CCVI.

1348, Mai 9. Breslau.

Der bischöfliche Official Andreas von Rosslawitz beurkundet, dass Kunad von Reibnitz und seine Erben auf ihren Antheil an der Landvoigtei auf den Stiftsgütern im Frankensteiner Weichbilde verzichtet haben.

In nomine domini amen. Noverint universi et singuli presentem litteram inspecturi, quod coram nobis Andrea de Rosslawicz canonico et officiali Wrat. in iudicio pro tribunali sedentibus, discreti viri magistri Johannes Grudencz advocatus consistorii Wrat. religiosorum virorum dominorum . . abbatis et conventns monasterii in Camencz Cyst, ord. parte ex una, necnon Nicolaus Franczconis de Ransin notarius publicus strennui viri Cunadi de Rybnicz et domine Elysabeth uxoris sue ex altera, procuratores et nominibus procuratoriis presentialiter constituti, idem Nicolaus Franczconis habens ad infrascripta omnia et singula plenum mandatum, prout in instrumento publico procuratorii sui de manu Hemici quondam Henrici de Proczano confecto, quod tunc ibidem coram nobis exhibuit, plenius continetur, dictos suos dominos iurisdictioni nostre subiciens nomine procuratorio, quo supra, pro ipsis Cunado de Rybnicz, Elysabeth uxore sua et pro heredibus seu successoribus legittimis universis, sponte, libere, non deceptus, non coactus, sed ex certa scientia renuntiavit et cessit omni liti controversie et questioni habite, mote seu hactenus ventilate inter partes supradictas diutius, coram nobis super iuribus advocatie provincialis in districtu Frankensteynensi in bonis . . abbatis et conventus predictorum, scilicet villis, allodiis, tabernis, ortis, molendinis et generaliter bonis suis omnibus, quibuscunque nominibus censeantur, nullis penitus exceptatis, in petitione dicti abbatis et conventus contentis, ita sane, quod ab hac hora renuntiationis seu cessionis per procuratorem ipsorum coram nobis factam, ipsi Cunadus de Rybnicz, Elysabeth uxor eius et omnes ipsorum successores etiam vel heredes perpetuis temporibus in antedictorum . , abbatis et conventus bonis iam expressis in antea nullam de iuribus advocatie provincialis capient portionem, nec facient inibi in sede iudiciali aliquam sessionem; promittens ipse procurator procuratorio nomine, quo supra, Cunadi de Rybnicz, Elysabeth uxoris eins suorum liberorum sive successorum legittimorum fide sua intemerata et bona, quod contra huiusmodi renuntiationem et cessionem factas per se vel per alios non contravenient quovismodo nec ipsas inpugna.bunt de facto quolibet vel de iure; rcnuntiavitque dictus procurator, procuratorio nomine supradicto, omnibus exceptionibus et singulis legis, canonis, statuti, litterarum, privilegiorum, consuetudinis, appellationis iuridicenti generalem renuntiationem non valere epistole dyvi Adriani de iurisdictione non adeunda et omnino declinanda, et specialiter privilegio dotis et dotalicii ac omni iuris auxilio pre mulieribus introducto ac aliis beneficiis, quibus contra premissa possent renuntiationem seu cessionem ac alia singula se iuvare; quam cessionem magister Johannes de Grudencz per nostrum petivit officium confirmare. Nos igitur officialis predictus dictam cessionem et alia omnia rata et grata habentes, ipsa auctoritate ordinaria ex certa scientia confirmamus, mandantes memoratis Cunado de Rybnicz, domine Elysabeth uxori sue ac aliis suis heredibus seu legittimis successoribus universis sub excommunicationis pena, quatenus supradicta omnia debeant inviolabiliter observare. Actum in consistorio nostro Wratislviensi VII° Idus Maii anno domini M° CCC° quadragesimo octavo; presentibus discretis viris: magistris Petro de Buytum, Beldone de Strelicz, Johanne de Lyndenow et Johanne Conoplath advocatis dicti consistorii Wrat., necnon Petro de Thost, Petro de Frankenstein, Johanne de Frankenstein et Johanne Modelici nostro (!) notariis publicis aliisque publicis testibus fidedignis. In cuius rei testimonium sigillum nostrum presentibus est appensum.

Or. Perg. Das S. des Officials in rothem Wachs an einem Pergamentstreifen.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.